接到貓比斯既blog tag蕉~ 哈哈，好耐冇玩過啦，等我試下先

回答所有問題，並發一篇Blog在自己的網誌上！回答之前，請刪除一條你不喜歡的問題，另出一條問題代替；完成後，再點人繼續遊戲，並到這些人的Blog留言通知對方

1)　你自己最大的缺點？

我有超多缺點既喎！不過如果係最大既缺點，我諗係生活冇規律，成日攬到d野亂七八糟咁…特別係我間房，行人止步！！

重有成日傻更更，講野唔經大腦，白白痴痴咁...

2）你最鍾意什麼活動／運動？

鍾意行夜街，覺得好舒服...但條街又唔好完全無人無燈而淨係得d樹喎，如果唔係都幾恐怖！

3）到目前為止，什麼令你最難忘？

4）如果時間可以停止一分鐘，你希望停留在哪一刻？

我希望停留係考試既一刻！因為我做野太慢，由出世到而家差唔多冇乜邊份卷係做得哂...我係屋企有個外號，叫「慢王之王」...唉~

5）如果你走到人生的盡頭了，那在你人生最後的一段歲月，你會做什麼？

hmm...我諗我會即刻番香港去書局買哂我最想睇既書，去dvd店買哂我最鍾意既碟...將人生既最後一段歲月花係:自閉！！

６）假如有一國家即時批准你擁有永久居留權，你想去邊個國家住？

咁好?!哈哈...咁呀...去英國啦！想去好耐架啦~ 同埋去到唔駛再學其他語言，我太懶啦！！

７）假如神仙比一個願望你，你想要什麼？（不可回答要多Ｎ個願望！！！）

如果有一個願望，我想自己變聰明d，做個iq爆棚既天才^^

做咗天才之後，可以發明好多好多野。之後坐係到un un 腳收版權費過活...

8）最欣賞自己身體哪個部份？

9）人生最快樂既一件事？

等我諗諗先...hmm....有喇，人生最快樂既係某年有科成績全級攞第一，唯一既一次全級第一...有d貪慕虛榮同膚淺呀呵?!我都知架啦...>.< 但鍾意有人讚ma...哈哈...

10.）最令你遺憾的一件事？

最遺憾既係，考會考同AL時冇好好温書，都係臨急抱佛腳...結果温唔哂，慘敗...

11）如果你可以選擇叮噹其中一件法寶，你會首選邊樣？

同貓比斯一樣，想要隨意門^^咁就可以免費周圍去啦！！

12)  如果可以讓你做透明人半小時，你會做什麼？

 半小時太少啦...哈哈，所以刪咗黎條...

12) 如果要你選擇變成某種動物兩天，你會想變成什麼?

我想變成雀仔，可以周圍飛~

但唔要太細隻既喎...因為我怕俾其他大雀食咗，兩日之後變唔番人類...

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

哈哈，玩完黎隻blog tag蕉．．．論到自聊思同arol接蕉啦！！！！！哈哈...