最近，又發左一次din。感覺自己太情緒化了，空想多於一切，什麼都畏首畏尾的，唔夠踏實！

看了自聊思的一篇文章之後，實在令我有很多感歎！

本人實在是只有廿二歲的軀殼，思想還是停留於十六！我不是說笑的，一切都是有原因的。唉！但回想起往事也真夠好笑！

話說，本來還是十五十六的我，一切都過得不錯。學校名列前茅，又有好知己好朋友，媽咪爹d都會以我為榮！但就係f.5的一年，同同學因小事而爭執，慢慢由小事變成大事，結果感覺被好友出賣。就係咁，開始左自閉的生活...其實開頭的自閉某程度上係對友人的反擊。而且由於成績一直好(某程度上都係因為學校平庸)，自尊心一直很高，唔願意接受其他同學的關心。但慢慢，係班裏面成日自己一個，開始有被'拼'棄的感覺，腦裏面一直胡思亂想，根本聽唔到書。其實亦係由喎時開始，我專注力出現問題。直到而家，我每次既考試都係靠自己温，上堂係連1+1=2都唔會聽得明白。

之後呢，當然係成績一落千丈啦！班上日日玩自閉，返到屋企日日比爹d媽咪罵係是非精交際花，話我搞是搞非唔讀書。媽咪更試過罵我做雞，唔比我講電話，什至打我。當時我係屋企係瞓廰的，根本冇得躲起來，同屋企人關係越來越差。特別係媽咪，當時真係好憎佢！其實爹d媽咪亦都時常因為我的事而嘈，日日家嘈屋閉。而班主任呢?佢同我媽咪講我讀書方法有問題，咁我媽咪就成日逼我去補習社。對於當時自尊心重係好高的我來說，真係十分反感！...哈哈，曾經科科都全級頭幾名，全級都冇乜人唔識既我居然要補習??

結果，日日躲係床上，再唔係就同屋企人吵架...會考，係到臨考的一個月先開始温，温咗都唔知有冇三分二...升唔番原校！好記得放榜當日，我排隊申請repeat，有人見到我重跟住排，以為條隧係登記升中六的！

去到左新的學校，由女校去到男女校，好唔慣！本來想係新的環境唔再自閉，點知係開學第二個星期已經比男同學玩。我好驚人地係我背後"sit sit"私語，所以又開始繼續自閉！一小息就會揾地方躲起來，好驚見到人；其實聽到人地笑都已經好驚人地笑緊我(這個問題係係上兩年先開始好轉)。結果，只有中英文lee d 唔駛點温既科一直係哩間差差學校名列前茅，其他al科根本冇温過。直到考al的一天，都只係温左三分之一。哈，如果咁都升到大學一定係奇蹟！我本身係讀理科的。班主任見我中英ok但其他科咁樣，就同我母親大人講話我選錯科，話我係文科人。唉...點解d班主任永遠都係扮哂了解人，而我媽咪又信哂！

就係咁，半自閉既我，去左澳洲讀書(媽咪重勁想我大學讀文科。大佬，完全冇history同geog既英文底子，點追呀?!)。 ...之後既我，就變成而家咁啦！唔識得同人相處，睇上去亦唔似有廿二歲的成熟(不過同媽咪關係好左)...可能自閉得太耐啦！係哩段時間，我養成咗自卑+自怨自艾的性格。周圍既人都話我好小朋友，好單純，成日傻下傻下... 什至可能會疑惑點解lee條友會讀到lee一科(最後都比我入到)...大部份的人以為我成日失蹤，一定好勤力讀書。係facebook，只會有人投我最唔似會skip堂既人，但其實我係冇上過堂咁'滯'(因為我由f.5開始，已經係上堂既專注力上出現左問題)...facebook太表面啦，list上面既人有幾成係真係熟同"認識"你的呀??朋友人數只係數字遊戲罷了！所以我已經close左facebook...

其實諗番所有所有的過去，都只在於自己太執著，搞到小事化大。不過，執著下執著下，就變成左而家哩個廿二歲軀殼十六歲靈魂的我。過去的係冇可能番番轉頭的lu，只有繼續行。而家因為考試壓力太大，所以都依然係半自閉狀態...^^畢業先算啦！

wah...冇啦啦打左咁多野tim...是旦啦...可能會文句不通，因為此文志在發洩！不過，唔想再睇多次lu~而家就快考試啦，要奸爸爹啦！